खोलाले बगायो ४ बालिका: १ को शव फेला, २ बेपत्ता, १ जनाको उद्दार

मकवानपुर । मकवानपुरको हेटौंडा उपमहानगरपालिका–१९ स्थित बासुदेव खोलाले विद्यालयबाट घर फर्किँदै गरेका ४ जना विद्यार्थीलाई बगाएको छ। एक जनाको शव फेला परेको छ । कक्षा २ मा अध्ययनरत ८ बर्षिया रेश्मा स्याङतानको शव फेला परेको प्रहरीले जनाएको छ ।

निर्मल माध्यमिक विद्यालय हेटौंडा–१९ मा अध्ययनरत उनीहरू पढेर घर फर्किने क्रममा खोलाले बगाएको हो। बगाइएका सबै विद्यार्थी कक्षा ५ भन्दा कम तहमा अध्ययनरत रहेको बताइएको छ।