बेनी-जोमसोम-कोरला सडकमा १ अर्बको क्षति, पुनर्निर्माण गर्न ४ अर्ब लाग्ने

काठमाडौं- हालैको मनसुनजन्य विपत्‌बाट चीन र भारतलाई जोड्ने बेनी-जोमसोम-कोरला सडकमा करिब १ अर्ब रुपैयाँ बराबरको भौतिक संरचनामा क्षति पुगेको छ। गत असोज ८ देखि ११ गतेसम्मको अविरल वर्षापछिको पहिरो र कालीगण्डकी नदीको कटानका कारण सडकको संरचना तहसनहस भएको छ। बेनी-जोमसोम-कोरला सडक योजनाका अनुसार उक्त सडक पूर्ण रूपमा पुनर्निर्माण गर्न ३ देखि ४ अर्ब रुपैयाँ बजेट आवश्यक पर्ने देखिएको छ।