फ्रेन्च ओपन : ग्रीसका चिचिपास फाइनलमा प्रवेश

यस वर्षको फ्रेन्च ओपन टेनिसको पुरुष एकल तर्फ ग्रीसका विश्व नं. ५ का स्टिफानोस चिचिपास फाइनलमा प्रवेश गरेका छन् ।

उनले शुक्रबार भएको पहिलो सेमिफाइनल खेलमा जर्मनीका छैटौं वरियताका अलेक्जान्डर झेरेभलाई संघर्षपूर्ण खेलमा ६–३, ६–३ , ४–६, ४–६ तथा ६–३ अर्थात् ३–२ सेटले पराजित गरे । पहिलो २ सेट लगातार जितेका चिचिपासले खेल सहजै जित्ने अनुमान गरिए पनि तेस्रो र चौथो सेट जितेका झेरेभले कडा चुनौती दिएका थिए ।