सोनापुर सिमेन्टको आईपीओ स्थानीयद्वारा बहिष्कार, सर्वसाधारणको टाउकोमा थोपरिँदै

काठमाडौं । सोनापुर सिमेन्टको उत्पादक सोनापुर मिनरल्स एन्ड आयल लिमिटेडको सेयरलाई उद्योग प्रभावित क्षेत्रका बासिन्दाले बहिष्कार गरेका छन् । कम्पनीको वित्तीय अवस्था कमजोर, शंकास्पद वित्तीय विवरण, करोडौं विद्युत् महसुल बक्यौता, अनुमतिभन्दा बढी चुनढुंगा उत्खनन् गरेर राजस्व छली गर्ने, स्थानयीबासीसँगको विवादजस्ता काण्डमा परेको कम्पनीको सेयर स्थानीयले बहिष्कार गरेका हुन् ।

कम्पनीले स्थानीयबासीका लागि १५ लाख ३७ हजार ५ सय २९ कित्ता सेयर बिक्री खुलाएको भए पनि जम्मा ९१ हजार ३० कित्ताका लागि मात्रै आवेदन परेको छ । १४ लाख ४६ हजार ४ सय ९५ कित्ता अर्थात् ९४ दशमलव शून्य ८ प्रतिशत सेयर बिक्री नभएपछि सेयर बिक्री प्रबन्धक र कम्पनीका अधिकारी रनभुल्लमा परेका छन् ।