नेपाल संवत्को मौलिकता र युवाको भूमिका

नेपालको सभ्यता इतिहासको विविध कालखण्डमा स्थापित भएका शाषकहरूको बाहुबल, तिनका धार्मिक, सांस्कृतिक र सामाजिक दर्शनका आधारमा परिमार्जित हुँदैआएका छन् ।

पूर्वीय दर्शनशास्त्र र दक्षिण एसियामा नेपालभूमिको जति आध्यात्मिक महत्व पाइन्छन् त्यति नै भूकम्प, आगलागी र रोगव्याधी जस्ता प्राकृतिक प्रकोपका घटनाहरू पनि पाइन्छन । यसरी आइपरेका विपत्तिहरूको सामना गर्दै आर्थिक सामाजिक परिस्थितिको आमूल परिवर्तनलाई ईतिहासमा स्थापित गर्न विभिन्न समयमा धार्मिक आस्था, व्यक्ति वा राजाका नाममा (आयातीत इस्वी, विक्रम जस्तै नेपालमा प्रचलित शक संवत् र मानदेव संवत् आदि)नयाँ संवत्हरूको थालनी भएको पाईन्छ । यसै सन्दर्भमा नेपालको इतिहासमा लिच्छवीकालको उत्तरार्धमा सन् ८७९ मा राष्ट्रकै नाममा स्थापित नेपाल संवत्को आफ्नै महत्व रहेको छ ।