गौँथली : पुरानो विरासत रनयाँ पुस्ताको संवेदनशील कथा

नेपाली फिल्म क्षेत्रमा पछिल्लो समय नयाँ पुस्ताका कलाकारको प्रभाव बढ्दो छ। यही क्रममा अभिनेता अरुण क्षेत्री र अभिनेत्री सिम्रन खड्का गौँथली नामक फिल्ममा पहिलोपटक एकसाथ अनस्क्रिन जोडीका रूपमा देखिन लागेछन्। आगामी साउन १ गते प्रदर्शनमा आउने फिल्मले दर्शकमाझ उत्सुकता बढाइरहेको छ।

महापुरुष फिल्मबाट दर्शकको मन जितेका अरुण र प्रेमगन्ज, चित्रा तथा बेहुली फ्रम मेघौलीबाट अभिनय क्षमता प्रमाणित गरिसकेकी सिम्रनलाई निर्देशक डा. कपिल रिजालले श्रीमान् श्रीमतीको भूमिकामा प्रस्तुत गरेका छन्। दुवै कलाकारका प्रशंसकका लागि यो नया“ सहकार्य विशेष आकर्षण बनेको छ। केही समयअघि सार्वजनिक फिल्मको स्याड सङ् आँखाभरि आँसुले पनि सकारात्मक प्रतिक्रिया पाइरहेको छ। थानेश्वर गौतम र शान्तिश्री परियारको स्वर रहेको गीतमा संगीत थानेश्वर स्वयंको छ भने शब्द डा. भोला रिजालले लेखेका हुन्। गीत सार्वजनिक कार्यक्रममा अरुण र सिम्रन बेहुला–बेहुलीको भेषमा उपस्थित हुँदा उपस्थित निम्तालुहरू अचम्मित बनेका थिए।