जन्मसिद्ध नागरिकतासम्बन्धी १५० वर्ष पुरानो नीति खारेज गर्ने ट्रम्पको योजनामा सर्वोच्चको धक्का

वासिङ्टन डीसी । अमेरिकी सर्वोच्च अदालतले अमेरिकामा जन्मिएका बालबालिकाहरूको नागरिकता पाउने संवैधानिक अधिकार रहेको फैसला सुनाएको छ । अदालतको यो आदेशसँगै राष्ट्रपति डोनाल्ड ट्रम्पको १५० वर्ष पुरानो जन्मसिद्ध नागरिकता सम्बन्धी नीतिलाई अन्त्य गर्ने प्रयास असफल भएको छ ।

सर्वोच्च अदालतका ९ न्यायाधीशमध्ये ६-३ को बहुमतबाट भएको यस फैसलामा मुख्य न्यायाधीश जोन रोबर्ट्सले गैरकानुनी रूपमा वा अस्थायी रूपमा अमेरिकामा रहेका अभिभावकबाट जन्मिएका बालबालिकाहरू पनि संविधानको १४ औँ संशोधन अनुसार ‘जन्मजात नागरिक’ हुने स्पष्ट पारेका छन् ।