कैलाली जिल्ला क्रिकेट संघको ९ औँ साधारणसभा सम्पन्न, खेलाडीलाई मासिक तलब र नगद सम्मान

धनगढी । कैलाली जिल्ला क्रिकेट संघको ९औँ वार्षिक साधारणसभा शनिबार धनगढीमा सम्पन्न भएको छ। धनगढीस्थित निर्माण व्यवसायी संघको सभाहलमा आयोजित साधारणसभाले जिल्लामा क्रिकेटको विकास तथा खेलाडीको मनोबल अभिवृद्धि गर्ने उद्देश्यसहित महत्त्वपूर्ण निर्णयहरू गरेको छ।

साधारणसभाले कैलाली जिल्लाबाट प्रतिनिधित्व गर्ने ८ जना उत्कृष्ट क्रिकेट खेलाडीलाई आगामी ६ महिनाका लागि सम्झौतामा राखी मासिक पाँच हजार रुपैयाँ उपलब्ध गराउने निर्णय गरेको छ । सम्झौतामा रहने खेलाडीहरूमा शेर मल्ल, नारायण जोशी, टेक रावत, अभिषेक पाल, आयुव चन्द, निश्चल क्षेत्री, बसन्त कार्की र स्नेहा महरा रहेका छन् ।