रसिया पठाइदिन्छु भन्दै चारजनालाई ठगी गर्ने युवक पक्राउ

काठमाडौं, वैशाख ८ – आकर्षक तलबको प्रलोभनमा वैदेशिक रोजगारीका लागि रसिया पठाइदिने भन्दै चार जना व्यक्तिलाई ठगी गर्ने युवक काठमाडौंबाट पक्राउ परेका छन्।

काठमाडौँ उपत्यका अपराध अनुसन्धान कार्यालय, टेकुबाट खटिएको प्रहरी टोलीले बारा जिल्ला जितपुर सिमरा उपमहानगरपालिका–१६ का २७ वर्षीय उमेश भोलोनलाई काठमाडौं महानगरपालिका–१२, टेकुबाट पक्राउ गरेको हो। उनले चार जना पीडितलाई रसिया पठाइदिने भन्दै जनही हजारौं रुपैयाँ लिई सम्पर्कविहीन भएका थिए।