सुपर-१२ मा अस्ट्रेलियाको पहिलो जित

काठमाडौँ — अस्ट्रेलियाले ट्वान्टी-२० विश्वकपको मंगलबार भएको खेल जित्दै सुपर–१२ को पहिलो जित हात पारेको छ । ग्रुप–वानको खेलमा अस्ट्रेलियाले श्रीलंकालाई सजिलै सात विकेटले पराजित गरेको छ ।

डिफेन्डिङ च्याम्पियन अस्ट्रेलिया यो चरणको पहिलो खेलमा न्युजिल्यान्डसँग हारेपछि दबाबमा रहेको थियो । जितका लागि १ सय ५८ रन पछ्याएको अस्ट्रेलियाले १६.३ ओभर मात्र उपयोग गर्दै तीन विकेट गुमाएर विजयी रन बटुल्यो ।