थारु कला–संस्कृतिलाई पर्यटनसँग जोडेर व्यावसायिक रूपमा अघि बढाउनुपर्छ: मुख्यमन्त्री आचार्य

बुटवल । लुम्बिनी प्रदेशका मुख्यमन्त्री चेतनारायण आचार्यले थारु समुदायको परम्परागत कला, संस्कृति र सभ्यतालाई संरक्षण तथा प्रवर्द्धन गर्दै पर्यटनसँग जोडेर व्यावसायिक रूपमा अघि बढाउन आवश्यक रहेको बताएका छन् ।

थारु कल्याणकारिणी सभा दाङद्वारा शनिबार घोराहीमा आयोजित माघ सांस्कृतिक महोत्सवको उद्घाटन गर्दै मुख्यमन्त्री आचार्यले थारु कला–संस्कृतिलाई आम्दानीको दिगो स्रोतका रूपमा विकास गर्न सकिने बताए ।