अदालतको कागजात किर्ते गरेको आरोपमा एकजना पक्राउ

काठमाडौँ। अदालतको लेटरप्याड तथा आधिकारिक कागजातसमेत किर्ते गरी आर्थिक ठगीमा संलग्न रहेको आरोपमा एकजना पक्राउ परेका छन्। नेपाल प्रहरीको केन्द्रीय अनुसन्धान ब्युरो (सीआईबी) गोरखा आरुघाट गाउँपालिका ७ का विवश अधिकारीलाई नियन्त्रणमा लिएको हो।

सीआईबीका अनुसार विवशले काठमाडौँ जिल्ला अदालतको नाममा नक्कली पत्र तथा निर्णय तयार गरी विभिन्न व्यक्तिसँग रकम असुल्ने कार्य गर्दै आएका थिए। उनले अदालतको नाम र छाप प्रयोग गरी झुटा कागजात बनाउने, ती कागजात देखाएर पीडितसँग सेवा शुल्कका नाममा रकम माग्ने र नदिए कारबाही गर्ने धम्की दिने गरेको प्रारम्भिक अनुसन्धानबाट खुलेको छ।