स्वास्थ्यमा सुधार आए पनि पूर्वप्रधानमन्त्री खनाल अस्पतालमै

पूर्वप्रधानमन्त्री झलनाथ खनालको स्वास्थ्यमा सुधार आएको छ। श्वासप्रश्वासमा समस्या देखिएपछि काठमाडौंको धुम्बाराहीस्थित ह्याम्स अस्पतालमा भर्ना भएका खनालको स्वास्थ्य अवस्था सामान्य बन्दै गएको उनको सचिवालयले जनाएको छ।

७७ वर्षीय खनाललाई आइतबार (कात्तिक १) दिउँसो करिब २ बजे स्वास्थ्यमा समस्या देखिएपछि अस्पताल लगिएको थियो। उपचारपछि उनको स्वास्थ्यमा सुधार आएको र हाल परीक्षणका क्रममा सबै अवस्था सामान्य देखिएको सचिवालय सदस्य मिलन उपाध्यायले जानकारी दिए।