इमेज सहकारी पीडित बचतकर्ताद्वारा टर्च लाइट बालेर विरोध

बागलुङ : इमेज बचत तथा ऋण सहकारीका बचतकर्ताहरुले आइतबार टर्च लाइट बालेर प्रदर्शन गरेका छन्। एक अर्बभन्दा बढी रकम हिनामिना गरेर फरार भएका सहकारीका संस्थापक अध्यक्षसहित सहकारीका संचालहरुलाई पक्राउ गर्न प्रशासनलाई दबाब दिन पीडित बचतकर्ताहरुले टर्च लाइट बालेर प्रदर्शन गरेका हुन्।

पीडित बचतकर्ताहरुको इमेज बचतकर्ता संघर्ष समितिले बागलुङ बजारमा रहेको सहकारीको भवनदेखि बजारभरी टर्च लाइट बालेर खोजी गर्दै नाराबाजी गरेका थिए। संघर्ष समितिका संयोजक डिलबहादुर कार्कीले बचत रकम हिनामिना गरेर फरार भएका देवकुमार नेपालीसहितका संचालक समितिहरुलाई प्रशासनले पक्राउ गर्न ढिला गरेकोले दबाब स्वरुप टर्च लाइट बालेर प्रदर्शन गरेको बताए।