युरोपका नेपाली उद्यमीहरूलाई जोड्न १३ मार्चमा हेलसिन्कीमा ‘बाटो समिट २०२६’ आयोजना हुँदै

काठमाडौँ । युरोप र नर्डिक मुलुकहरूमा रहेका नेपाली उद्यमी, लगानीकर्ता र स्टार्टअप उत्साहीहरूलाई एउटै मञ्चमा ल्याउने उद्देश्यले आगामी १३ मार्चमा फिनल्याण्डको राजधानी हेलसिन्कीमा ‘बाटो समिट २०२६’ आयोजना हुने भएको छ ।

‘नेपाली उद्यमशील सोच निर्माण’ (Building the Nepali Entrepreneurial Mindset) भन्ने मुख्य नाराका साथ ‘बाटो’ नामक संस्थाले आयोजना गर्न लागेको सम्मेलनमा १५० भन्दा बढी नेपाली तथा अन्तर्राष्ट्रिय फाउन्डर र लगानीकर्ताहरूको सहभागिता रहने बताइएको छ ।