बोर्नमाउथलाई हराउँदै आर्सनल शीर्ष स्थानमा झन् मजबुत, एस्टन भिल्ला पनि दोस्रो स्थानमा कायमै

काठमाडौँ । इङ्लिस प्रिमियर लिग अन्तर्गत शनिबार राति सम्पन्न खेलमा आर्सनलले बोर्नमाउथलाई ३-२ ले पराजित गर्दै तालिकाको शीर्ष स्थानमा आफ्नो पकड थप बलियो बनाएको छ ।

घरेलु टोली बोर्नमाउथका लागि इभानिल्सनले १० औँ र एलि जुनियर क्रुपीले ७६औँ मिनेटमा गोल गरे पनि आर्सनलका लागि गाब्रिएल म्यागाल्हाइसले १६ औँ मिनेटमा बराबरी गोल फर्काए । त्यसपछि डेक्लान राइसले ५४ औँ र ७१ औँ मिनेटमा दुई महत्त्वपूर्ण गोल गर्दै टोलीलाई जित दिलाए ।