नेपाली बजारमा प्रोटोनको 'ई मास ५' भित्र्याउँदै जगदम्बा मोटर्स

काठमाडौं । नेपालका लागि प्रोटोन गाडीको आधिकारिक वितरक जगदम्बा मोटर्स प्रा. लि. ले नयाँ विद्युतीय कम्प्याक्ट एसयूभी प्रोटोन 'ई मास ५' नेपाली बजारमा ल्याउने तयारी गरेको छ । कम्पनीका अनुसार यो आफ्नो सेग्मेन्टमा नेपालकै पहिलो 'रियर-ह्विल-ड्राइभ' कम्प्याक्ट इलेक्ट्रिक एसयूभी हुनेछ ।

मलेसियाली अटोमोबाइल कम्पनी प्रोटोनले निर्माण गरेको ई मास ५ को आगमनले नेपाली ईभी बजारमा नयाँ विकल्प थप्ने कम्पनीले जनाएको छ । ई मास ५ ले दैनिक प्रयोग, सुरक्षा र सहजतालाई प्राथमिकतामा राखेर उत्कृष्ट ड्राइभिङ अनुभव प्रदान गर्ने कम्पनीले दाबी गरेको छ । रियर-ह्विल-ड्राइभ प्लेटफर्ममा आधारित यस गाडीमा सन्तुलित तौल वितरण, उत्कृष्ट ड्राइभिङ क्षमता, उच्च स्थायित्व तथा सहज नियन्त्रणको सुविधा रहने कम्पनीको भनाइ छ ।