सरकारलाई मिराजको आग्रह : ‘मध्यरात होइन, दशैँपछि दिउँसै गिरफ्तार गर्नू’

काठमाडौं- जेन-जी अगुवा मिराज ढुंगानाले आफूलाई मध्यरातमा नभई दशैँपछि दिउँसै गिरफ्तार गर्न आग्रह गरेका छन् । आफूलाई समात्ने तयारी भइरहेको खबर पाएको जनाउँदै उनले मध्यराति नभई दिउँसै गिरफ्तार गर्न सरकारलाई आग्रह गरेका हुन् ।

सामाजिक सञ्जालमा स्टाटस लेख्दै आफूलगायतका जेन-जी अभियन्ताहरुलाई पक्राउ गर्ने तयारी भइरहेको खबर प्राप्त भएको जनाएका उनले दिउँसै समात्न सरकारलाई चुनौती दिएका हुन् । ‘म लगायत अरू केही जेनजी साथीहरूलाई मध्यरातमा गिरफ्तार गर्ने खबर आइरहेको रहेछ’, उनले फेसबुकमा लेखेका छन् ।