देशका विभिन्न ठाउँमा ठूलो वर्षा, बाढीकाे जाेखिम भएका क्षेत्रमा सतर्कता अपनाउन आग्रह

काठमाण्डाै - देशका विभिन्न ठाउँमा गएराति ठूलो पानी परेको छ ।

अहिले डडेलधुरा, कञ्चनपुर, कैलाली, बर्दिया, झापा, मोरङ, सुनसरी र सप्तरीसहितका जिल्लामा ठूलो पानी परिरहेको जल तथा मौसम पूर्वानुमान महाशाखाले जनाएको छ । डडेलधुराको रङ्घुन खोला र साना नदीमा आकस्मिक बाढीको जोखिम रहेको बाढी पूर्वानुमान महाशाखाले जनाएको छ ।