स्विमिङ पुलमा डुबेका क्याल्यारीका फरवार्ड दुई दिनपछि होसमा आए

रोम । एउटा दुःखद् दुर्घटनाबाट मुक्त हुँदै इटालियन क्लब क्याल्यारीका युवा फरवार्ड याएल ट्रेपी होसमा आएका छन्।

स्विमिङ पुलमा डुबेर बेहोस भएका २० वर्षीय ट्रेपीलाई सघन उपचारका लागि अस्पताल भर्ना गरिएको दुई दिनपछि होस आएको छ र भेन्टिलेटरबाट पनि हटाइएको छ। आइतबार दिउँसो सार्डिनियास्थित एक भिल्लामा स्विमिङ पुलमा दुर्घटनामा परेपछि उनलाई हेलिकप्टरबाट उद्धार गरी अस्पताल पुर्‍याइएको थियो।