रौतहटमा बलात्कारका फरार आरोपित पक्राउ

रौतहट — बलात्कारको आरोपमा फरार एक जनालाई रौतहटको राजपुर नगरपालिका–५ स्थित राजपुर फरहदवा टोलबाट प्रहरीले पक्राउ गरेको छ ।

चार महिनाअघि गाउँकै महिलालाई बलात्कार गरेको आरोप लागेका रंजीत साह तेलीलाई उनकै होटेलबाट सोमबार साँझ प्रहरीले पक्राउ गरेको हो । पक्राउ परेका तेलीलाई मंगलबार जिल्ला अदालतमा उपस्थित गराइएको छ । बलात्कारको आरोपमा किटानी जाहेरी परेपछि उनी फरार थिए ।