इमरान भेट्न जेल पुगे बहिनी र पत्नी, उपचारका लागि अस्पताल सार्न सर्वोच्चको आदेश

इस्लामावाद- पाकिस्तानका पूर्वप्रधानमन्त्री इमरान खानसँग उनकी बहिनी नोरीन नियाजी र पत्नी बुशरा बीबीले अडियाला जेलमा भेट गरेका छन्। सर्वोच्च अदालतको आदेशपछि उनीहरू जेल पुगेका हुन्। नोरीनले करिब नौ महिनापछि इमरानसँग भेट गरेकी हुन्।

करिब १५ मिनेटको भेटमा परिवारका सदस्यहरूले इमरानको स्वास्थ्य अवस्थाबारे जानकारी लिएका थिए। उनीहरूले उपचारका लागि इमरानलाई शिफा इन्टरनेशनल अस्पताल पठाउन सर्वोच्च अदालतले दिएको आदेशबारे पनि जानकारी गराए।