सूर्य थापालाई रोस्ट गरेपछि तनावमा कमेडियन, भन्छन् – धम्कीले कोठाबाहिर निस्किन सकिनँ

काठमाडौं – कमेडीका नाममा ठाडो रोस्ट गर्ने प्रवृतिलाई निरन्तरता दिँदै कमिडियन अमरेन्द्र यादव एमाले नेता सूर्य थापा र एमाले निकट नेताहरूलाई व्यङ्ग्य गरेपछि तनावमा परेका छन् । एमालेनिकट व्यक्तिहरूबाट आफूलाई निरन्तर धम्की आएको उनको गुनासो छ ।

अमरेन्द्रको दाबी छ, ‘पछिल्ला ३-४ दिनदेखि भिडियो सार्वजनिक भएदेखि नै म निरन्तर मानसिक दबाब र व्यक्तिगत गालीगलौज झेलिरहेको छु । यो कसले गरिरहेको हो, एमालेका कार्यकर्ता हुन् कि अरू कोही हुन् ? म यकिनसाथ भन्न सक्दिनँ । तर मलाई व्यक्तिगत रूपमा गाली र टर्चर दिने काम भइरहेको छ । मलाई रुमबाट बाहिर जान डर लागिरहेको छ ,कहिलेसम्म रुममा बस्ने म ?’