सहिद भीमनारायण गोल्डकपः उद्घाटन खेलमा सप्तरी विजयी

धनकुटा। सहिद भीमनारायण गोल्डकपको १७ औं संस्करणको आइतबार पहिलो दिनको खेलमा सप्तरीको नमोबुद्ध युथ क्लबले जितेको छ। नमोबुद्धले आयोजक सहिद भीमनारायण स्मृति प्रतिष्ठान धनकुटालाई ३–१ गोलअन्तरमा पराजित गर्दै जित हात पारेको हो।

नमोबुद्धका लागि खेलको १७ औं मिनेटमा कर्नर पासलाई सदुपयोग गर्दै निर्मल घिसिङले गोलको खाता खोले। यसैगरी, मिस्कन दासले ३२ औं मिनेटमा नमोबुद्धका लागि दोस्रो गोल गर्दै जितका लागि फराकिलो नतिजा दिलाए। ३९ औं मिनेटमा भने मोहित गुरुङले टिमका लागि तेस्रो गोल गर्न सफल भए।