विश्वकपनजिक नेपाल, तेस्रोपटक विश्वमञ्चमा उक्लिन एक जित आवश्यक

काठमाडौं । आईसीसी टी–२० विश्वकप एसिया–प्यासिफिक क्षेत्रीय फाइनलको दोस्रो खेलमा कतारविरुद्ध जित निकालेसँगै नेपाली राष्ट्रिय क्रिकेट टिम आगामी वर्ष हुने विश्वकप नजिक पुगेको छ ।

सुपर–६ मा लगातार दोस्रो जित निकालेको नेपाल ६ अंकसहित विश्वकपनजिक पुगेको हो । तालिकाको दोस्रो स्थानमा आसिन नेपालले अब बुधबार घरेलु टिम ओमानसँग अल अमेरतमै खेल्ने तालिका छ । जसमा जित निकाले नेपालले आगामी वर्ष भारत र श्रीलंकामा हुने विश्वकपमा स्थान सुनिश्चित गर्नेछ । यस्तो, भए समग्रमा नेपाली टिमले तेस्रो पटक टी–२० विश्वकपको ढोका खोल्नेछ ।