इमरान खानलाई अस्पताल सार्ने आदेशविरुद्ध पुनरावलोकन माग्दै पाकिस्तान सरकार

इस्लामावाद । पाकिस्तान सरकारले जेलमा रहेका पूर्वप्रधानमन्त्री इमरान खानलाई निजी अस्पतालमा सार्न सर्वोच्च अदालतले दिएको आदेशविरुद्ध पुनरावलोकनका लागि अदालत जाने भएको छ । कानुनमन्त्री आजम नाजिर तरारले भिडियोमार्फत यस्तो जानकारी दिएका हुन् ।

सर्वोच्च अदालतले मंगलबार अधिकारीहरूलाई ७३ वर्षीय खानलाई दुई दिनभित्र राजधानी इस्लामाबादस्थित निजी शिफा इन्टरनेसनल अस्पतालमा सार्न आदेश दिएको थियो । अदालतले खानका व्यक्तिगत चिकित्सकसहित मुटुरोग विशेषज्ञ र आँखाका चिकित्सक सम्मिलित मेडिकल प्यानल गठन गर्नसमेत निर्देशन दिएको थियो ।