दसैँको मुखमा आफ्नै नाममा जग्गाधनी प्रमाणपुर्जापाउँदाको खुसी– रातो पुर्जा पाएर अब मालिक भइयो, निद्रा लाग्ने भयो

दसैँको मुखमा आफ्नै नाममा जग्गाधनी प्रमाणपुर्जा पाएपछि चितवनको इच्छाकामना गाउँपालिका-७ का भूमिहीनमा खुसीको सीमा रहेन। वर्षौंदेखि आफू बसोबास गरिरहेको जमिनबाट कतै हट्नुपर्ने हो कि भन्ने चिन्ता यसपालिको दसैँसँगै सदाका लागि हटेको छ।

रातो खोलभित्र राखिएको प्रमाणपुर्जा उनीहरूका लागि कागजको टुक्रो मात्र नभएर वर्षौंदेखि बसोबासरत जमिनमा आफ्नो अधिकार प्राप्तिको प्रमाण थियो।