पोखरामा गठबन्धनलाई अन्तर्घातकै डर
onlinekhabar.com · Sun May 08 17:27:51 GMT 2022
२५ वैशाख, पोखरा । पोखरा महानगरपालिकाको मेयर नेकपा एकीकृत समाजवादीलाई छाडेपछि नेपाली कांग्रेस, कास्कीमा देखिएको चरम असन्तुष्टिको बाछिटा वडा तहमा देखिएका छन् । सत्तारुढ गठबन्धनमा आवद्ध माओवादी केन्द्र र जनता समाजवादी पार्टी (जसपा) पनि मेयर, उपमेयर बाहेकका पदमा एकल प्रतिस्पर्धामा छ ।
गठबन्धनमा आवद्ध दलका कार्यकर्ताले अनुशासनपूर्वक मत हालिदिएनन् भने पोखरामा एमालेका सामुन्ने एकीकृत समाजवादीलाई चुनाव जित्न निकै कठिन छ । गठबन्धनको सबभन्दा ठूलो दल कांग्रेसका असन्तुष्ट केही प्रतिशत मतदाताले मात्रै अन्तर्घात गरिदिए भने नतिजा उल्टो आउन सक्ने डर पोखरामा छ । वडा तहमा आ–आफ्नै उम्मेदवार भएको र गठबन्धनमा असन्तुष्ट रहेका माओवादी, जसपाको एउटा समूह पनि असहयोग गर्ने त्रास छ ।
स्रोतमा पूरा पढ्नुहोस् (onlinekhabar.com)