फिल फोडेनको ह्याट्रिकमा म्यानचेस्टर सिटीको ५-१ को फराकिलो जित

काठमाडौँ । युइएफए च्याम्पियन्स लिग अन्तर्गत भएको खेलमा इङ्लिस क्लब म्यानचेस्टर सिटीले ग्रिक क्लब एईकेमाथि ५-१ गोलको फराकिलो जित निकालेको छ । सिटीको प्रभावशाली जितमा फिल फोडेनले शानदार ह्याट्रिक प्रहार गरे ।

खेलको सुरुआतदेखि नै हाबी भएको म्यानचेस्टर सिटीले १२औँ मिनेटमै अग्रता लिएको थियो । इलियट एन्डरसनले गोल गर्दै टोलीलाई १-० ले अघि बढाए। त्यसपछि ३४औँ मिनेटमा फिल फोडेनले व्यक्तिगत पहिलो गोल गरेपछि पहिलो हाफमा सिटीले २-० को अग्रता बनायो ।