धितोपत्र बोर्डको नीति तथा कार्यक्रम : ब्रोकर थप्नेदेखि सफल कम्पनी बजारमा ल्याउनेसम्मका योजना
abhiyandaily.com
काठमाडौं । नेपाल धितोपत्र बोर्डले धितोपत्र दलाल व्यवसायी (ब्रोकर) थप्ने योजना अघि सारेको छ । बोर्डले बिहीवार चालू आर्थिक वर्ष २०७९/८० को नीति तथा कार्यक्रम सार्वजनिक गर्दै नयाँ ब्रोकर कम्पनी थप्ने विषयलाई प्राथमिकतामा राखेको हो । बजारको दायरा फराकिलो हुँदै गएको बेला धितोपत्र दलाल व्यवसायीको संख्यासँगै सेवा, सुविधा बढाउँदै लैजानुपर्ने आवश्यकता देखेर ब्रोकर संख्या थप गर्ने योजना बनाएको बोर्ड अध्यक्ष रमेशकुमार हमालले बताए ।
बोर्डले यसअघि नै तीन प्रकारको ब्रोकर लाइसेन्स दिने तयारी गरिसकेको छ । ब्रोकरले दिने सेवाको आधारमा बोर्डले चुक्ता पूँजी २० करोडदेखि १ अर्ब ५० करोड रुपैयाँसम्म हुने गरी नयाँ ब्रोकर लाइसेन्स वितरणको तयारी गरेको हो । बोर्डले तय गरेको पूँजी संरचनाले साबिकका ब्रोकरलाई समस्या पर्ने गुनासो आए पनि अध्यक्ष हमालले त्यसको खण्डन गरे । पूँजी बजारको मुटु मानिने ब्रोकरले आफ्नो कार्य दायरा बढाउन माग गरिरहेको बेला अवसरको रूपमा बोर्डले पूँजी संरचनाको व्यवस्था गरेको उनको भनाइ छ । कार्य दायरा बढाउन थप पूँजी आवश्यक पर्ने र हालका ब्रोकरले कमाइरहेको नाफा हेर्दा समस्या नहुने तर्क हमालको छ । अहिलेका ब्रोकरले पूँजीको समस्या समाधान गर्न मर्जरको बाटो रोज्न सक्ने उनको भनाइ छ ।
स्रोतमा पूरा पढ्नुहोस् (abhiyandaily.com)