नेदरल्यान्डस् विश्वकपको क्वाटरफाइनलमा, अमेरिका पराजित

अमेरिकालाई पराजित गर्दै नेदरल्यान्डस् विश्वकपको क्वाटरफाइनलमा प्रवेश गरेको छ। नकआउट चरणको पहिलो खेलमा अमेरिकामाथि ३–१ गोलअन्तरले विजयी हुँदै नेदरल्यान्डसले अन्तिम आठमा स्थान बनाएको हो। पहिलो हाफमा दुई गोल गरेको नेदरल्यान्डस्ले दोस्रो हाफमा एक गोल थपेको थियो।

कतारको खलिफा इन्टरनेसनल स्टेडियममा भइरहेको खेलको १०औँ मिनेटमा नै नेदरल्यान्डले अग्रता लिएको थियो। मेम्पिस डिपेले गोल गर्दै नेदरल्यान्डलाई अग्रता दिलाए।