ज्येष्ठ नागरिकको तस्वीर हनुमानढोकामा प्रदर्शनी गरिने

हेटौंडा । अन्तर्राष्ट्रिय ज्येष्ठ नागरिक दिवसको अवसरमा आगामी शनिबार राजधानीको हनुमानढोका डबलीमा ज्येष्ठ नागरिकको तस्वीर प्रदर्शनी गरिने भएको छ।

सबै पुस्ताका लागि ज्येष्ठ नागरिकको मानवअधिकारबारे विश्वव्यापी घोषणामा गरिएका वाचाहरू पूरा गरौं भन्ने नाराका साथ राष्ट्रिय फोटो पत्रकार समूह र एजिङ नेपालको आयोजनामा नेपालका हिमाल, पहाड र तराईका ज्येष्ठ नागरिकका तस्वीर प्रदर्शनी गरिने कार्यक्रम संयोजक मकवानपुरका फोटो पत्रकार गणेश विष्टले जानकारी गराए।