सप्तकोशीको कटानले श्रीलङ्का टापुका सात परिवार विस्थापित

काठमाडौं– सप्तकोशी नदीको तीव्र कटानका कारण जोखिममा परेका बराहक्षेत्र नगरपालिका–९ स्थित श्रीलङ्का टापुका सात परिवारलाई सुरक्षित स्थानमा स्थानान्तरण गरिएको छ ।

नदीले निरन्तर कटान गर्न थालेपछि अति जोखिममा परेका परिवारलाई सुरक्षित स्थानमा बसोबासको व्यवस्थासहित स्थानान्तरण गरिएको बराहक्षेत्र नगरपालिकाका नगरप्रमुख रमेश कार्कीले जानकारी दिए ।