वर्षाबाट भएको क्षतिमा तत्काल उद्धार र राहतमा जुट्न सांसदहरूको माग

काठमडौं– प्रतिनिधिसभाको बुधबारको बैठकमा सांसदहरूले अविरल वर्षाका कारण देशका विभिन्न क्षेत्रमा भएको जनधनको क्षतिप्रति सरकारको ध्यानाकर्षण गराउँदै तत्काल उद्धार तथा राहतका कामलाई प्रभावकारी बनाउन माग गरेका छन् ।

बैठकको शून्य समयमा बोल्दै सांसदहरूले वर्षा र बाढीपहिरोका कारण प्रभावित नागरिकलाई तत्काल राहत उपलब्ध गराउन तथा जोखिममा रहेका बस्तीको सुरक्षा गर्न सरकारसँग आग्रह गरेका हुन् ।