समुद्रबाट मिथेन उत्सर्जनको चिन्ता

अहिले ‘आइकन आफ द सी’ नामक सबैभन्दा ठूलो पानीजहाजले सामुद्रिक यात्रा सफलतापूर्वक गरिरहेको छ । अमेरिकाको फ्लोरिडा राज्यस्थित मियामीबाट यात्रा थालेको यो जहाज महासागरमा अघि बढिरहेको छ । आजका दिनमा यो उत्तरपश्चिम एटलान्टिक महासागरमा आफ्नो यात्रा अघि बढाइरहेको छ ।

३ सय ६५ मिटर लामो तथा २ लाख ५० हजार ८ सय टन गह्रुंगो यो पानीजहाजले यसमा प्रयोगमा ल्याइएको इनधनका कारण वातावरणीय प्रश्नहरू उब्जाएको छ । यसमा प्राकृतिक ग्यासलाई तरल बनाएर इन्धनका रूपमा प्रयोग गरिएको छ । यो तरल प्राकृतिक ग्यास यदि समुद्रमा लिक हुनपुग्यो भने यसले मिथेन नामक ग्यास उत्सर्जन हुनपुगी वातावरण र मुख्यगरी वायुमण्डलमा भयावह अवस्था निम्त्याउने पर्यावरणविद्हरूको अनुमान रहेको छ ।