कञ्चनजङ्घा : हिमाल, बस्ती र पदयात्राको आकर्षण

४ कात्तिक, पाँचथर । कञ्चनजङ्घा बेस क्षेत्रमा पदयात्रा गर्ने सिजन चलिरहेको छ । यो क्षेत्रका व्यवसायीहरुका अनुसार यो बेला पदमार्ग क्षेत्रमा पर्यटकको चहलपहल बाक्लो रहेको छ । स्वदेशी र विदेशी पर्यटकहरु यो क्षेत्र घुमिरहेका छन् ।

विश्वको तेश्रो र नेपालको दोश्रो अग्लो कञ्चनजङ्घा पदमार्ग विदेशीका लागि रुचिको गन्तव्य हो । अन्यत्र जस्तो भिडभाड नहुने, हिमाली सौन्दर्यताका साथै जनजीवनलाई नजिकबाट नियाल्न मिल्ने तथा उत्तर–दक्षिणी बेसक्याम्प पुग्न मिल्ने भएकाले पनि यो क्षेत्र घुम्न रुचिकर मानिन्छ ।