सानेपाबाट सभापति देउवा दिएका स्पष्ट तीन सन्देश

जेनजी आन्दोलनको दोस्रो दिन भदौ २४ को प्रदर्शनकारीको आक्रमणमा परेपछि सुरक्षा र स्वास्थ्यका कारण गुप्तवास बसेका नेपाली कांग्रेसका सभापति एवं पूर्वप्रधानमन्त्री शेरबहादुर देउवा ३६औँ दिनमा सार्वजनिक भए।

पार्टीको केन्द्रीय कार्यसमितिको बैठकमा लिखित मन्तव्यका साथ प्रस्तुत भएका देउवा संयमित देखिए। जेनजी प्रदर्शनकै क्रममा आगजनीमा परेर ध्वस्त भएको ललितपुरको सानेपास्थित कांग्रेस मुख्यालयमा मंगलबार केन्द्रीय समिति बैठकलाई सम्बोधन गर्न पुगेका उनले अहिले नेपाली राजनीतिमा जोडतोडले उठेका प्रमुख तीन प्रश्नको स्पष्ट जवाफ दिए।