दसैँको टीका र जमराको धार्मिक महत्व के हो?

काठमाडौं- विजयादशमी हिन्दू धर्मावलम्बीहरूको प्रमुख पर्व मात्र नभई नवरात्रभर गरिएको देवीको पूजा-आराधनाको प्रसाद र आशीर्वाद ग्रहण गर्ने विशेष दिन हो। धार्मिक मान्यताअनुसार यो पर्व भगवान् श्रीरामले रावणमाथि विजय प्राप्त गरेको प्रसङ्गसँग जोडिएको छ।

उपप्राध्यापक डा. नारायणप्रसाद निरौलाका अनुसार विजयादशमीको मूल भाव देवी भगवतीको प्रसाद ग्रहण गर्नु र मान्यजनबाट आशीर्वाद लिनु हो। नवरात्रभर गरिने पूजा-आराधनाको समापन दशमीमा विसर्जनसँगै हुने र त्यसपछि टीका तथा जमरा ग्रहण गर्ने परम्परा छ।