नेपालमा अन्तर्राष्ट्रिय बोधी सम्मेलन हुँदै

काठमाडौँ । नेपाल, दक्षिण एसिया तथा विश्वव्यापी रूपमा विकास भइरहेका आर्थिक, राजनीतिक र भू–राजनीतिक परिवर्तनहरूबारे विमर्श गर्न ‘बोधी संवाद २०२६’ सम्मेलन हुन लागेको छ ।

सामाजिक नवप्रवर्तन र विदेश नीति केन्द्र (सीइएसआइएफ) ले असार २ गतेदेखि चार दिनसम्म आयोजना गर्ने सो सम्मेलनमा नेपालसहित भारत, बंगलादेश, श्रीलङ्का, दक्षिण कोरिया, अस्ट्रेलिया र संयुक्त राज्य अमेरिका लगायतका देशहरूबाट प्रतिष्ठित व्यक्तित्वहरूको सहभागिता रहनेछ । सीइएसआइएफले मंगलबार आयोजना गरेको पत्रकार सम्मेलनमा गराएको जानकारी अनुसार कार्यक्रममा विभिन्न देशका पूर्व मन्त्रीहरू, पूर्व परराष्ट्र सचिवहरू, वरिष्ठ कूटनीतिज्ञहरू, अर्थशास्त्रीहरू, सुरक्षा विज्ञहरू तथा निजी क्षेत्रका नेतृत्वकर्ताहरूले आफ्ना अनुभव र विचार राख्नेछन् ।