टीका जमरा ग्रहण गरेर मान्यजनकोमा जाने क्रम शुरु, फाट्टफुट्ट चल्दै सवारी साधन

काठमाडौं । विजया दशमीको मुख्य दिन आज बडा दशैंको टीका सुरु भएसँगै मान्यजनको हातबाट टीका जमारासहितको प्रसाद ग्रहण सुरु भएको छ । दुर्गापक्षको मुख्य दिन आज मान्यजनको हातबाट नवदुर्गाको प्रसादका रूपमा शुभ साइतको प्रतीक रातो टीका र समृद्धिको प्रतीक जमरा लगाउने काम भइरहेको छ ।

बिहान १०ः२६ बजेको उत्तम साइतमा टीका सुरु भएको हो । टीका प्रसाद ग्रहण गर्न साइत खोज्नेका लागि नेपाल पञ्चाङ्ग निर्णायक विकास समितिले आज बिहानको उक्त साइत निकालेको हो । विजया दशमी आफैँमा शुभ दिन भएकाले टीका लगाउनका लागि साइत खोज्नु नपर्ने र आज बिहानदेखि दिनभर नै बडा दसैँको टीका ग्रहण गर्न सकिने बताइएको छ ।