विभेदबाट मुक्ति र सामाजिक न्याय स्थापना गर्न नसक्नु सुशासन र समृद्धिका तगारा

रातोपाटीको १३औँ वार्षिकोत्सवका क्रममा आधुनिक राज्य व्यवस्थामा सुशासन र समृद्धिका मूल तगारा के–के हुन् भन्नेबारे लेख्दै गर्दा सर्वप्रथम म रातोपाटीका सम्पूर्ण परिवारमा हार्दिक शुभकामना दिन चाहन्छु ।

हामी अहिले जेनजी विप्लव हुँदै नयाँ राजनीतिक परिवेशमा उभिएका छौँ । जेनजी विद्रोहको जगमा भएको निर्वाचन पछि नयाँ सरकार गठन भएको छ । सरकार सञ्चालन गर्ने पार्टी नयाँ छ । र, राजनीतिको आधारभूमिमा हजारौँ–हजार नयाँ पुस्ताका युवाहरू छन् । अर्को शब्दमा भन्ने हो भने नव युवाहरूले नयाँ नेपाल निर्माणको अभिभारा आफ्नो काँधमा बोकेका छन् र त्यसै अनुरूप आफ्ना पाइलाहरू चालिरहेका छन् ।