जनताले धोका पाउनुको मुख्य कारण अपरिपक्व राजनीतिक परिवर्तन (भिडियोसहित)

रामेश्वरजीले ल्याउनुभएको अवधारणा पत्र निकै मिहिनेतका साथ तयार पारिएको छ । प्रशासनयन्त्रको उच्च ओहोदामा बसेर काम गर्दाका अनुभूति र यथार्थहरू यसमा झल्किएका छन् । यसलाई कार्यान्वयनमा ल्याउन सके धेरै राम्रो हुन्छ ।

अहिलेका अर्थमन्त्रीले पनि स्रोत, सम्भावना र सदिच्छा प्रशस्त हुँदाहुँदै पनि हामीले किन दुःख पायौँ भन्ने प्रश्न उठाउनुभएको छ । यी सबै कुरा छँदाछँदै पनि हामी पछि पर्नुको मुख्य कारण उत्तरदायित्वको नितान्त अभाव हो । राजनीतिक नेताहरूबाट हामीले आश्वासन प्रशस्त पायौँ । ‘जितेर गएपछि आकाशको तारा झारिदिन्छु’ भन्नेदेखि ‘१० वर्षमा एसियाली मापदण्डमा पुर्‍याउँछौँ’ भन्नेसम्मका कुरा आए । तर बाचा पूरा नगर्दा दण्डित हुनुपर्छ भन्ने सार्वजनिक उत्तरदायित्वको चरित्र हाम्रा नेताहरूमा भएन ।