सुशासन र समृद्धिको विश्व अभ्यास

काठमाडौँ । समृद्धिको कथा नयाँ होइन । दुई हजार वर्ष भन्दा अघिदेखि अनेक सभ्यताहरूमा समृद्धिका अनेकनकथा–उपकथाहरू चल्दै आएका छन् । चाहे त्यो भूमध्यसागरको किनारामा रहेका युनानी सहरहरूमा होस, चाहे नाइल नदी किनारको इजिप्टमा, ह्वाङहो छेउको चिनियाँ समाजमा होस वा दक्षिण एसियाको गंगामैदानमा जताततै व्यक्तिगत एवं सामूहिक समृद्धिको चर्चा कुनै न कुनै रूपमा सुन्न पाइन्छ ।

हम्बुराबीको कानुनमा उल्लेखित सम्पत्ति मामिलाका प्रावधान हुन् वा कौटिल्यको अर्थशास्त्रले अघि सारेको मिश्रित आर्थिक प्रणालीको अवधारणा नै किन नहोस्, ती सबैमा समृद्धिको प्रसङ्ग प्रत्यक्ष वा परोक्ष रूपमा फेला पर्छ ।