राहुल र पोरेल चम्किएपछि आईपीएलमा दिल्लीको शानदार जित

काठमाडौं । दिल्ली क्यापिटल्सले इन्डियन प्रिमियर लिग (आईपीएल) क्रिकेटमा लखनऊ सुपर जायन्ट्सविरुद्ध शानदार जित निकालेको छ । मंगलबार राती भएको खेलमा दिल्ली आठ विकेटले विजयी भयो । यो जितसँगै दोस्रो स्थानको दिल्लीले आठ खेलबाट १२ अंक जोडेको छ । समान खेलबाट गुजरात टाइटन्स १२ अंकसहित शीर्ष स्थानमा छ ।

लखनऊको भने नौ खेलबाट १० अंक छ । लिगको ४० औं खेलमा लखनऊले दिएको १६० रनको चूनौति पछ्याएको दिल्लीले १७ ओभर ५ बलमा दुई विकेट गुमाएर १६१ रन बनायो ।