युनाइटेडको प्रभावशाली जित

पेरिस — म्यानचेस्टर युनाइटेडले युरोपा लिगको अन्तिम १६ को पहिलो लेगमा बिहीबार रियल बेटिसमाथि ४–१ को प्रभावशाली जित निकालेको छ । इंग्लिस प्रिमियर लिगमा लिभरपुलविरुद्ध ७–० को हार बेहोरेयता युनाइटेडले जित हात पारेको हो ।

ओल्ड ट्रायफोर्डमा भएको खेलमा युनाइटेडका लागि वउट वेहर्स्टले दुई गोल गरे भने मार्कस रसफोर्ड र एन्टोनीको नाममा एक–एक गोल रह्यो । अन्य अन्तिम १६ को पहिलो लेगका खेलमा युभेन्ट्सले फ्रेबर्गलाई १–० र सेभियाले फेनाबाचेलाई २–० ले हरायो ।