अमेरिकी हुलाक सेवालाई १२ करोड ६० लाख डलर बराबरको नोक्सानी पुर्‍याउने व्यक्ति पाकिस्तानमा पक्राउ

संयुक्त राज्य अमेरिकाको पोस्टल सर्भिस अर्थात्‌ हुलाक सेवालाई १२ करोड ६० लाख डलर बराबरको नोक्सानी पुर्‍याउने गरी नक्कली कारोबार सञ्चालन गरेको आरोपमा पाकिस्तानको साइबर अपराधसम्बन्धी निकायले एक व्यक्तिलाई पक्राउ गरेको छ।

सन् २०२३ देखि अमेरिकामा ठगी गर्ने एउटा वेबसाइटमार्फत्‌ नक्कली स्ट्याम्पहरू विक्री गरेको फहीम अकरममाथि आरोप छ। गत महिना फ्लोरिडास्थित एउटा सङ्घीय ग्र्यान्ड जुरीले उनीविरुद्ध आरोपपत्र दर्ता गरेको थियो।