बाढी प्रभावितको त्रिपालभित्रको दसैं : यसरी लगाए टीका (तस्वीरहरू)

४ कात्तिक, नुवाकोट । करिब दुई महिनादेखि विस्थापित जीवन बिताइरहेका नुवाकोटको विदुर नगरपालिका–५ का ७० वर्षीय गोपी नेपालीले त्रिपालभित्रै जसोतसो दसैँ मनाए। साँघुरो त्रिपाललाई नै घर मानेर बसिरहेका उनले त्यहीँ छोराछोरी, नातिनातिना र आफन्तलाई टीका लगाउँदै आशीर्वाद दिइरहेका थिए।

‘बाढीले सबै लग्यो, बरु धन्न हामी परिवारको ज्यान बच्यो’, नेपालीले टीकासँगै आशीर्वाद दिँदै भने, ‘यस्तो दुःख कहिल्यै कसैले पनि भोग्न नपरोस्। आशा छ, नमरी बाँचे अर्को सालदेखि आफ्नै घर हुनेछ र पहिलेजस्तै रमाइलोसँग दसैँ मनाउन पाइनेछ।’