बार्सिलोनाको लेभान्टेमाथि सहज जित, शीर्ष स्थानमा फर्कियो

काठमाडौं । स्पेनिस ला लिगा अन्तर्गत आज सम्पन्न खेलमा बार्सिलोनाले लेभान्टेमाथि ३–० को सहज जित दर्ता गरेको छ । यस जितसँगै बार्सिलोना लिग तालिकाको शीर्ष स्थानमा फर्किएको छ ।

बार्सिलोनाका लागि मार्क बर्नालले खेलको चौथो मिनेटमै गोल गर्दै टोलीलाई अग्रता दिलाएका थिए । त्यसपछि ३२औँ मिनेटमा फ्रेन्की डे जोङले गोल गर्दै बार्सिलोनाको अग्रता दोब्बर पारे । खेलको ८१ औँ मिनेटमा फर्मीन लोपेजले अर्को गोल थप्दै बार्सिलोनाको ३–० को जित सुनिश्चित गरे ।