आइतबार ७६ वटा गाडीमा हेडक्वार्टरबाट जिल्ला खटिए प्रहरी

काठमाडौँ । प्रतिनिधिसभा सदस्य निर्वाचनको लागी प्रहरी प्रधान कार्यालयबाट धमाधम प्रहरीहरूलाई जिल्लामा खटाइएको छ । आइतबार मात्रै ७६ वटा गाडीमा प्रहरी कर्मचारीहरू जिल्लाको लागी छुटेका छन् ।

आज मधेस र कोशी प्रदेशको सुरक्षामा खटिने गरी ७६ गाडी प्रहरी कर्मचारी त्यसतर्फ प्रस्थान गरेको प्रहरी प्रधान कार्यालयका एक जना उच्च अधिकृतले रातोपाटीलाई बताए । फागुन ९ मा ३३ वटा गाडीमा सुदूरपश्चिम प्रदेश र पूर्वका केही जिल्लामा प्रहरीहरू परिचालन गरिएको थियो । आजसम्म ७ हजार प्रहरी केन्द्रबाट जिल्लाहरूमा गएका छन् ।