ला लिगामा बार्सिलोनाको शानदार जित, रियालसँग फेरि बढायो अंक दुरी

काठमाडौं । स्पेनिस ला लिगा फुटबलमा बार्सिलोनाले शानदार जित हासिल गरेको छ । घरेलु मैदानमा भएको खेलमा बार्सिलोनाले गिरोनाविरुद्ध ४-१ को जित निकाल्यो ।

गिरोनाका लादिस्लाभ क्रेज्कीको आत्मघाती गोलबाट सुरुवाती अग्रता लिएको बार्सिलोनाका लागि रोवर्ट लेवान्डोस्कीले दुई गोल गर्दा फेरान टोरेसले एक गोल गरे । पहिलो हाफमा आत्मघाती गोल गरेर बार्सिलोनालाई अग्रता दिलाएको गिरोनाले दोस्रो हाफलगत्तै बार्सिलोनाको पोष्टमा गोल गर्यो । उसका लागि अर्नौैट डानजुमाले गोल गरेका हुन् ।